24粒鐘冇食嘢 Windy胃痛頂硬上
拍MV遇暴雨 困難重重
「聲夢小花」詹天文（Windy）日前拍攝新歌《一切都是有原因的》MV，當日天氣不穩，拍攝期間遇上暴雨，故拍了24小時才完成，但她與團隊非常齊心，將所有困難迎刃而解。她笑言拍完後感覺虛脫，並自爆拍攝期間沒有進食引致胃痛，但她都頂硬上，不想辜負團隊的心血。
詹天文最新單曲《一切都是有原因的》，有別以往《麻煩彈開》、《大雕刻家》的跳唱歌路，改以空靈、縹緲的聲線演繹新歌，展現不同的魅力。Windy說：「每一次推出自己嘅作品都會覺得好興奮，感受到今次新歌唱法上嘅轉變。」她極度喜歡新歌曲風，因為感覺很夢幻、舒服，可以不斷重聽。
讚MV似藝術品
今次新歌由Edward Chan擔任監製，Windy坦言感覺神奇：「錄音過程Edward唔會畀好大壓力、逼我交一啲嘢出嚟，而係引導我，又會熄燈畀我去感受個氛圍。每次我唱到一啲佢想要嘅感覺、啱Feel嘅句子時，佢都會好激動，好似一齊做緊一個Project，感受嗰份喜悅。」她又稱很喜歡「我要變壯闊要抱壯闊的，我要變細緻吻細緻的塵」這段歌詞，她說：「錄音嗰時一層一層疊Vocal喺上面，好有化學作用，好有畫面！」
新歌MV拍足一日，又遇上暴雨，Windy表示是首次如此大挑戰：「真係好攰！第一次拍足24個鐘，加上冇咩點食嘢，到後尾胃有少少頂唔住，但我都夾硬撐住，唔想辜負大家！」她續說：「雖然遇上天氣問題打亂計劃，但唔會好影響心情，因為團隊都好努力幫我去完成呢個MV，好感恩，所有辛苦係值得㗎！個MV好似一個藝術品，希望出嚟嘅效果大家會鍾意。」
