敞開大「門」 維拉等運到
享受過程 放懷搶攻
歐聯八強次回合，英超阿士東維拉主場對法甲巴黎聖日耳門。PSG上周中首回合主場，憑紐奴文迪斯補時擴大比數，取得3:1領先優勢，全場亦取得壓倒性優勢，自然成為晉級熱門。不過維拉領隊艾美利向來是歐戰專家，聲稱回到自己主場得到球迷助威，會盡能力搶攻，能否收復失地，就要臨場多一點形勢及運氣幫助，遇上向來不擅主守的巴黎聖日耳門，﹝2.5/3﹞大盤是投注首選。（NOW 643台周三3:00am直播）
阿士東維拉剛於英超作客3:0擊敗修咸頓，球隊近9場正式賽事贏了8場，只有歐聯首回合輸波。領隊艾美利曾帶領西維爾及維拉利爾4奪歐霸盃冠軍，帶領維拉利爾期間，亦曾於歐聯淘汰祖雲達斯及拜仁慕尼黑，成功打入四強，絕對是歐戰專家。
艾美利賽前說：「球隊首回合作客巴黎雖敗，但表現出色有相當競爭力，要收復失地當然係重大挑戰，但我相信球隊喺維拉公園主場球迷打氣下會變得更強！我希望球員能夠盡情地享受進攻足球，只要我哋踢出最佳水準，有能力擊敗任何球隊。」維拉目前陣中只有里安拜尼一名傷兵，可以排強陣搏殺，雖然想晉級需要一點運氣幫助，但大前提是球隊首先要做好進攻並取得入球。
PSG專注歐聯 不慣主守
巴黎聖日耳門在各項賽事已經7連勝，而且於首回合主場對維拉之前，已經提早慶祝法甲封王。現時唯一任務就是爭取首奪歐聯冠軍。首回合在維拉縮後主守情況下，該隊共創造27次射門，中場域天拿該役更交出歐聯史上單場第2多的148次傳球，進攻線連珠炮發。球隊在主帥安歷基帶領下一向不習慣主守，今仗難得遇上焗攻的維拉，即使作客亦會繼續踢開放足球，期待以另一場令人信服勝仗增添爭霸信心。PSG前線奧士文尼迪比利在今季大熟狂勇，各項賽事已累積42個入球，今夜蓄銳強陣出擊，勢必與維拉合演對攻好戲。
