親吻戲被刪 楊偲泳岑珈其不覺可惜
香港文匯報訊（記者 梁靜儀）談善言、林家熙、岑珈其及楊偲泳等前晚出席電影《搗破法蘭克》首映禮。
戲中楊偲泳與岑珈其原本有親吻戲，但最終被刪掉，問到岑珈其會否感到可惜？他表示：「唔可以話係可惜，演員係根據劇本演繹，最後因為剪接這二次創作，加上導演嘅想法，去令電影更好，而需要將一啲戲份刪減，所以我尊重導演決定。」楊偲泳也稱沒所謂，她只覺得浪費了岑珈其事前的心理準備：「被刪剪嗰場親吻戲只係蜻蜓點水，覺得嘥咗係因為珈其有家室，係好丈夫及爸爸，拍攝前同佢溝通好，最後因為剪接上節奏問題而被刪咗，我覺得冇所謂。」問她拍攝前可有跟男友張振朗交代？楊偲泳說：「我覺得要同觀眾交代呢幕戲被刪掉更緊要。」說到其男友近日在劇集《奪命提示》有大膽演出？她即扯開話題，指近日在追看網劇《混沌少年時》，演員們也在討論，劇集講述父母跟孩子的關係，希望大家支持這類社會題材劇集。再問她是否不追看男友的演出？她繼續避談，只說：「我專注宣傳呢套電影。」
談善言憑電影《虎毒不》競逐香港電影金像獎「最佳女主角」，日前她為大會拍攝場刊。她形容今年拍攝場刊的感受很深：「9年前做新人競逐『最佳新人獎』時影過一次，拍攝場刊嗰日去到現場根本唔知發生咩事，去到現場有啲驚慌，人哋叫做咩就做，但今年分別好大，感覺好開心，去到現場有好多服裝揀，又有好多認識的圈中朋友一齊化妝輪流拍攝，感覺好貼地，似讀大學時做小組功課，好有夏令營感覺。」
