【欄邊老司機】勁者決心留住跑
魯斯基
剛戰周六晚，香港馬王「浪漫勇士」在杜拜以短頭位飲恨，確實可惜，當然我覺得雖敗猶榮，雖然筆者沒有投注，但是作為香港人，一定會變成粉絲支持一下香港馬王。希望馬王回來好好休養調理後，下次可以再創佳績。
講番今次賽事，終於等到「勁者」上場，上次可能因為幾匹馬拍住放影響，賽後蔡神仙話下次要留一留，希望擺四至五位，以免輸最後100米。收埋操足一個月，話明唔好唔出，應該信佢一次。次選「酷霸王」，今次抽黃金一檔，再加上年輕澳洲好手奧爾民策騎，我相信跑入一席的機會好高，而且馬房手足話，今次好好火，呢隻馬不適宜勤跑，休息一個月再出，揀埋佢。
