張運兒「水上漂」拍MV
新晉女唱作人張運兒（Yoona）推出今年首支單曲《無法同步》，帶出情侶步伐不同、越行越遠的愛情故事。她說：「就算表面同步，但如果心靈唔同步，兩個人只會越行越遠，最後可以產生好嚴重嘅問題。」
Yoona表示拍MV時有很特別的經驗：「我同監製諗係咪可以喺漂浮住嘅浮床上彈琴？因為我想表達就算兩個人喺同一張床，但可能其中一個人嘅內心世界似喺海上孤獨度過嘅感覺。跟住我同導演開會睇吓可唔可以實行，最後導演綜合所有想法後，揀咗一個好特別嘅海灘，佢真係畀我坐喺浮床拍MV。」她又稱因在海上拍攝，不能拍完一組鏡頭便去看重播，故她很期待欣賞剪輯好的MV。
