紅館騷擬加場 林峯盼錦上添花
香港文匯報訊（記者 阿祖）林峯昨日出席酒類品牌活動，並化身調酒師邀請現場兩位女士試酒。問林峯酒量如何，有否試過醉酒？他笑答：「醉酒咩嚟？我都係品酒，喺呢行咁耐會飲少少放鬆，自己亦都有研究威士忌10幾年，屋企都有啲珍藏，會揀性價比高嘅酒。」
林峯5月底將於紅館舉行3場演唱會，他表示剛完成一些電影拍攝及廣告工作，也差不多是時候要閉關排練：「要開始排舞同操脹啲個底。」是否會騷肌肉？他答：「個底就係肌肉，但唔需要刻意騷肌，會配合個演唱會，或者每場嘉賓都上嚟騷吓！」林峯指之前公開發售門票，即日下午一點前已全部售罄，正有意加場，不過要待公司於9日公布，但仍要看紅館檔期，一年前入紙極限大約只能開7至8場，現時他將全副身心投放在演唱會之上。
談及最近他被拍到與家人在內地寺廟祈福，問是否祈求在香港電影金像獎中拿到「最佳男主角獎」？林峯說：「每年我都會同家人、朋友去求順利，自己當然都希望攞獎，能夠入圍已經非常榮幸，錦上添花就更好啦！」會有信心得獎？他表示自己演戲用盡心力，與《九龍城寨之圍城》團隊付出了超過100分的努力，對成個團隊有信心。
