艾威太太病情惡化 留院排期換肝
苑瓊丹、艾威、劉小慧與黃子揚等昨日出席直播簽約活動，艾威哽咽透露太太陳美玲（Lisa）要入院排期換肝：「兩個月前太太情況開始惡化，出現黃疸、水腫，於是睇急症留醫，一直出出入入，到3月中一路留院，因為屬於大手術，今日仲要Check腦血管，怕手術過程有機會中風，所以要先做評估。」他承認以前做錯事：「擔心係冇建設性，我當年破壞咗我哋之間嘅關係（指離婚後復合），付出大代價先領略得到。」
苑瓊丹表示之前在街上碰見艾威：「當時佢冇講太太嘅事，但見佢一臉落寞講起先知。其實做直播係場場清數，冇預支，今次就同老闆傾好早啲畀錢，我唔敢講幫到好多，但希望Lisa可以放心輕鬆啲。」艾威今次參與100場直播，先行預支50萬元，問到是否足夠付手術費？他說：「喺香港公立醫院排期換肝係免費，而且太太情況緊急，都排喺頗前嘅位置。」
