劉松仁出攝影集 為慈善機構籌款
劉松仁近日推出攝影集《松風捉影》，以個人隨筆記錄不同階段的心路歷程。由於是非賣品，他希望為河北照顧殘疾兒童及長者的慈善機構「黎明之家」籌款。他說：「我好多年前探訪『黎明之家』，當年有啲腦癱瘓棄嬰俾當地天主教團體拯救後，搵一班義工照顧佢哋。我真係好感動！當地服務者即使知道受助者唔會康復，都負起照顧佢哋一生嘅責任。我曾親眼目睹殘疾兒童用口摺紙鶴畀我做禮物，好感動！最大啟發係我哋生活上難免有得失，呢啲算乜嘢？令我學識面對同欣賞生命。」
松哥希望透過影集的分享，能跟每位讀者對話：「再出第二本應該冇機會，因為『感言』已經輯錄得七七八八。我冇界定要啲乜，正如大家成日話『出山』，我覺得應該唔可能，因為精力有限、時間有限，我知自己嘅能力。我好喜歡現階段嘅我，唔強求啲乜，一切隨環境隨心而行。」
