曼聯負森林 加拿祖「做箭靶」
阿仙奴慘勝富咸 代價沉重
昨晨英超快車，重頭戲諾定咸森林主場對曼聯，結果森林在開賽早段把握一次反擊機會，由倒戈的艾蘭加一箭定江山，1:0擊敗曼聯。艾蘭加擊敗舊主不但低調無慶祝，賽後更感謝在曼聯期間得到進步。至於紅魔又輸一場，頻頻浪射失機的加拿祖賽後受到千夫所指，大量網民都指出球隊今夏首要工作，就是將他出售套現。
曼聯早段獲得角球，不過森林卻利用這次防守角球機會打快速反擊，艾蘭加單騎突破曼聯整條防線，原本回防阻截的加拿祖又自己跌倒。艾蘭加在馬沙拉奧及柏德列多古夾擊下，仍冷靜射入近柱，當時開波僅5分鐘。曼聯之後大舉反撲，全場射門多達24次，包括達洛治頭槌頂中門楣。不過無論上半場掛帥的約舒亞舒克斯、還是下半場入替的海倫，在中鋒位置都形同虛設，尾段換人中堅哈利馬古尼，客串掛帥反而帶來更大威脅，可惜最後一次近射卻被森林梅里路救空門。英國傳媒及曼聯球迷賽後都狠批加拿祖表現，指他固然多次浪射都未能命中目標，到傳球時又欠準，是球隊最大敗筆。
艾蘭加賽後仍極尊重母會曼聯：「我喺曼聯期間學到好多嘢，我非常欣賞曼聯，並希望繼續進步！」森林贏波後30戰已得57分仍居第3，但已逐步拋離4至5名的車路士及曼城，大大提升取得下屆歐聯資格機會。至於輸波的曼聯，領隊艾摩廉極不忿氣：「我哋有好多機會，森林只能一味退守，可惜前線未能把握機會。以整體表現計，我認為和都有啲唔抵，應該贏波！」
阿迪達呻痛失4名後衛
另一場倫敦打吡，阿仙奴主場2:1擊敗富咸，但贏波卻要付出沉重代價，守將加比爾馬加希斯及尤利安添巴都加入傷兵行列。球隊周六英超要鬥愛華頓，然後下周二歐聯對皇家馬德里，令領隊阿迪達十分擔心：「卡拉科利、賓韋特、尤利安添巴、仲有加比爾，你可以想像吓我喺一星期內失去4名防守球員嘅感受！」
