李龍基晒情信 獄中求婚成功
預告上節目爆私隱
李龍基昨日帶了未婚妻王青霞（Chris）在獄中寫給他超過410封情信錄影節目，他揚言無所不談，就算講房事亦冇所謂。他自爆早前探監時求婚成功，但屆時不會大搞婚禮，因未婚妻不喜歡鋪張。
由導演火火、吳若希與曾展望主持的TVB Plus節目《奇情谷》，昨日邀得李龍基擔任嘉賓。李龍基特別帶了超過410封未婚妻在獄中寫給他的情信錄影。問到會否在節目爆私隱？他笑言：「可以爆就爆，我冇所謂，就算房事都冇問題，冇房事人類就唔可以繼續落去。」
提到他帶了逾410封未婚妻寫給他的情信，李龍基表示對方入獄開始寫，是她抒發情感的方式。問到有否睇到喊？他即哽咽停頓幾秒後才說「有」，又指Chris後期會在信中畫花草，似反映她的心情已平復。問到寫了什麼最令他感動？他說︰「佢講到我哋兩個一齊聽音樂，其實我哋好多話題都啱傾。我鍾意聽邊個嘅歌佢又鍾意，次次講到我唱《My Way》都聽到喊咁滯。」他坦言初時不習慣一個人在家：「後來好多朋友開解我，我都比較開朗啲。」
不會大搞婚禮
李龍基表示現時每星期會寫一封信給未婚妻交代行程，因對方在獄中看到很多報道指「李龍基不會要她」，故他寫信表明心迹：「書信來往對我哋之間好重要，雖然每個月可以見兩次，但每次半個鐘，其實好多嘢都未傾到就夠鐘。」問到有否傾過結婚？他坦言：「最近去探佢，有問佢係咪仲考慮結婚，佢話『唔考慮，嫁』。」雖然在獄中成功求婚，但李龍基笑言待她出獄才買戒指：「應承佢一出嚟盡快去辦手續，你會得到一個真真正正嘅名分，李太！」
提到Chris於情信中以「親愛的老公」稱呼他，李龍基表示自己寫的每封信，最初都寫「親愛的老婆」，結尾也會寫「你愛的老公 字」。他表示很多人認為他們年齡相差太遠會有代溝：「但我唔覺得，同佢亦好夾，佢係我Right Woman！」他又稱不會大搞婚禮，註冊後只跟好友食飯，因Chris不想太鋪張。
