曼城闖英足盃四強 夏蘭特疑重創
今季成績大不如前的曼城，昨晨於英足盃作客般尼茅夫，於半場落後下，成功反勝2:1晉身四強，保住今季最後捧盃希望。不過領隊哥迪奧拿賽後並未能盡情慶祝，皆因王牌射手夏蘭特入波後傷出，賽後需要戴保護靴及持拐杖離場，情況令人擔心。
曼城上半場先有夏蘭特射失12碼，然後主隊法蘭斯高艾雲尼臣先開紀錄。半場落後下，哥帥換入新星尼高奧萊利，果然扭轉乾坤，先後為夏蘭特及馬穆殊交出助攻奠勝。只可惜夏蘭特在61分鐘傷出，哥迪奧拿表示需要進一步檢查才知傷勢情況。不過哥帥認為這場勝仗意義重大：「能夠連續7屆打入四強當然高興，但除咗贏波，我哋今季一直欠缺多年來對勝利嘅渴望，但今仗我哋已經搵番個心同靈魂，呢點好重要！」對於準決賽再戰森林，哥帥話：「最近一次對賽我哋踢得好好，但輸咗0:1，不過主場曾經贏過佢哋3:0，好期待喺溫布萊同呢隊咁好嘅球隊再較量！」
