農夫曾遭不友善批評 用成績反擊「廢老」
組合農夫前晚在西九文化區戲曲中心大劇院舉行《20首歌的21堂課補課》演唱會尾場，陸永和C君分享在音樂路上遇過的抨擊，兩人表示十多年前到電台宣傳歌曲，被DJ揶揄：「仲唱Rap咁老土！學周杰倫一首歌有Rap又有唱。」其後他們創作一首融合多種風格的《狼狗羊》，得到大家喜歡，但同期另一首歌《重新找到你》則被一位大前輩不友善批評，C君說：「佢話如果唔係農夫唱已經紅咗，陳奕迅唱會好聽得多。相信大家由細到大都經常聽到『如果畀邊個做就更加好』呢啲說話，同你講呢啲說話嘅人係真正『廢老」！呢首歌唱足十幾年仲唱緊，至於嗰位大前輩已經唔知喺邊度。」
兩人表示多年來想辦棟篤笑，可能找一個比紅館細一半的場地：「先搞半個場，另外一半場地係Twins演唱會，打側手翻同棟篤笑同時進行。」全場拍掌贊成。
