JW自資出歌 每首歌6位數
王灝兒（JW）前晚以表演嘉賓身份出席慧妍雅集慈善晚會，明顯消瘦的她笑言近日經常與親友打網球和羽毛球：「我又同陳瀅踩室內單車，我哋一齊瘦。」她透露忙於籌備推出每首6位數自資的新歌：「其實兩年前開始籌備，但一路出唔到歌，今年想自己儲錢去做。（無綫唱片公司唔幫你出歌？）之後睇吓點啦，做緊新歌時發覺好鍾意，起碼想做五六首歌。（係等唔切，索性自己出歌？）我覺得依家最緊要係想自己做。」
問到與無綫的合約何時完結？JW說：「唔知幾時完呀，不過我做得開心，喺呢間公司一路學咗好多嘢，完唔完約都覺得唔重要。（唔續約？）我哋關係一路喺度，我對所有嘢都好感恩。（覺得公司將資源畀晒《聲夢》學員？）唔會，都戥《中年好聲音》同《聲夢》嘅歌手多機會開心。」
