3招「求生技能」 坤哥氹掂老婆
人夫視角解構兩性關係
諺語有云「創業容易守業難」，套用在感情生活上也很貼切，如建立了一段婚姻關係，需要兩人共同經營才能維繫。吳業坤與日籍太太濱口愛子結婚兩年，婚後坤哥除了專注事業，還一直努力當個好老公，新歌《愛情求生案內書》就是以人夫視角解構兩性關係如何維繫。他還分享自己氹老婆的3招必殺技。
採訪：記者 子棠
吳業坤早前推出新歌《愛情求生案內書》，他形容這首歌如同一本愛情求生指南和手冊，作為送給天下男士的錦囊。坤哥花6位數到台北拍攝MV，並於MV中注入戲劇元素。問到歌曲和MV是否他與太太的日常？他坦言：「基本上係，例如陪太太睇韓劇，會預先放盒紙巾喺佢旁邊；幫佢影相，會影幾百張畀佢自己揀，相信大家聽到會有共鳴，因為都係男士經歷過嘅嘢。呢首歌唔止係男士一本求生天書，女士覺得男朋友做得唔夠好，都可以畀對方聽。」
歌詞第一句便是「像國防備戰，朝早去到夜晚」，問他是否認為夫妻相處如備戰狀態般嚴峻？坤哥笑言：「係，要打醒十二分精神，否則做錯一件事，可能要做十件事補救。我唔係話女士有咁恐怖，但係有呢個可能性，所以要減少呢個可能性發生。至於最真實寫照應該係副歌，『記住求個心安，讚頌是不用吝嗇，善意的撒謊是不怕講』，相信每個女士都鍾意俾另一半讚。」
讚老婆講得出做得到
問到若得罪老婆，靠把口還是送包包補救？坤哥笑言：「應該靠把口，好彩太太唔係太物質主義，讚佢都開心；或者帶佢去鍾意嘅餐廳，就會冇咁嬲，所以鍾意食嘢嘅女士比較好。」他更分享3招必殺技：「首先要經常讚太太；第二係唔好將所有嘢視作理所當然，正如太太唔一定要煮飯洗衫，所以要懷住感激嘅心；仲有就係聽太太話係『冇死』，等如『怕老婆會發達』呢啲說話點解可以長久流傳？自然係有佢道理。」
雖然坤哥自有一套「求生技巧」，但他自評作為老公只得70分，因他記性差，經常答應太太的事卻忘記去做，他則評太太有85分：「無論如何太太分數一定要高過我，哈哈！加上佢係講得出做得到嘅人，行動力好強。另外，太太對我照顧周到，例如我出門之前，佢一定會幫我準備好整齊嘅衫，由新婚至今都冇變過。」
