唐詩詠苦等7年 終演舞台劇
求恩師甄詠蓓畀機會
視后唐詩詠離開無綫後，除了專心經營自家麵包店外，更首次踩過界演舞台劇《妻迷》！7年前開始她已斷斷續續問學戲老師甄詠蓓可否演舞台劇，但當時甄詠蓓覺得她沒演舞台劇經驗，很難駕馭複雜的角色。但現時甄詠蓓覺得詩詠已成長不少，是時候給她機會演出。
由甄詠蓓執導、唐詩詠、朱栢謙、繆浩昌、陳穎璇、黃釗鑫、陳卉蕾及高棋炘等優秀演員主演的舞台劇《妻迷》（Yerma）將於6月27至29日上演，門票今日起公開發售。《妻迷》改編自西班牙文學大師費德里科·加西亞·羅卡的經典劇作《Yerma》，講述一位渴望生育卻無法如願的女子，如何在內心的執迷與外在的壓力中逐漸崩潰。
甄詠蓓指劇目探討的女性夢想、社會壓力與內在掙扎至今依然存在，並透露與詩詠的緣分始於7年前：「好有趣嘅緣分，詩詠係我學生，7年前帶佢去睇《Yerma》，佢睇完之後覺得好震撼，一直斷斷續續問我可唔可以做呢部戲，但佢冇做過舞台劇，呢部戲嘅角色對佢嚟講太難。直至上年主辦聯絡我，詩詠又成長咗，都覺得係時候一齊試試。」由於詩詠沒有舞台劇演出經驗，甄詠蓓刻意安排舞台劇經驗豐富的朱栢謙帶領詩詠。
朱栢謙期待擦出火花
詩詠由電視劇轉戰舞台劇，問到有否壓力？她說：「好感恩！甄詠蓓係我老師，一直有上佢嘅堂，我完全交咗畀佢，因為佢非常了解我，永遠都會睇到一啲連我自己都唔知嘅特質，所以我覺得冇想像中大壓力。佢又搵咗朱栢謙，知道呢個組合後，我嘅壓力已經卸咗六七成。」她唯一擔心是體力，因排練時發現比想像中花的力量要大很多，慶幸她練跑了兩年，應該有足夠狀態演舞台劇。
朱栢謙表示看過劇本後，很榮幸可參與演出：「導演係我一個好敬重、好有能力嘅前輩，睇完劇本之後覺得不能不演，再知道女主角係詩詠就更開心，可以識新朋友。好開心得到詩詠信任，我哋會擦出好多新火花，好期待真正上台演出時觀眾嘅反應。」
