周家怡 婉拒黎峻自薦當男友
香港文匯報訊 周家怡跟黎峻（Kenneth）日前出席護膚品牌活動分享護膚秘技。問到二人護膚最注重哪一部分？家怡直言，「我唔可以揀一樣最注重喎，我成塊面都注重㗎！」Kenneth指最注重眼圈，「因為熊貓眼咁出嚟就會唔精神。」家怡自揭拍攝劇集《導火新聞線》時爆發「暗瘡災難」，她指爆瘡的嚴重程度，是就算打燈都無法掩蓋，最後想到奇招遮醜，「拍開會嘅場口，我成日都會用手托住或者遮住下巴呢個『沉思』嘅動作，最後都係睇醫生就冇事。」
另外，家怡近日經常被追問感情狀況、識男仔問題，家怡表示多謝關心，指現在生活得很愉快，「大家唔使介紹男仔畀我識㗎啦，多謝。」問站在旁邊的Kenneth有冇好介紹，Kenneth謂：「我自薦吖，哈哈。」殺得家怡一個措手不及，家怡即秒回：「咁又暫時未有，隨緣囉。」更說已經成功「洗腦」父母。
