張馳豪陳楨怡 靠幻想咀嘴
無綫破天荒近乎全AI製作MV
「聲夢」歌手張馳豪（Aska）新歌MV邀得前港姐亞軍陳楨怡（Celina）任女主角，最特別之處，除了九成內容以AI製作，兩位主角於整個拍攝過程更未有同場，僅於綠布幕前靠想像力演戲，非常創新。
張馳豪為無綫外購新劇《大奉打更人》唱主題曲《劇本殺》，MV請來陳楨怡任女主角。為帶給觀眾新鮮感，MV破天荒九成內容以AI製作，兩位主角先在圖書館相遇，之後齊齊穿越到遊戲世界，Aska化身勇士上天下海兼打怪獸，拯救「仙氣公主」Celina，最後二人齊齊乘坐巨龍穿越時空，返回現實世界。
據製作MV的品牌傳播科透露，兩位主角需在綠布幕前靠想像力，擺出各種動作，然後再收集二人眼、耳、口、鼻、面形、表情等數據用作後期製作。不少網民讚無綫是次新嘗試很創新：「MV製作用AI生成的造型新嘗試效果幾好，既配合劇情又有動漫新鮮感」、「Aska同陳楨怡個Kiss幾可亂真」、「好想睇Aska真人打一次，或者用呢個造型出嚟亮相」、「估唔到有個咁正嘅MV」、「TVB真係一大進步。」
拍到靈魂出竅
Aska受訪時表示：「大概拍咗4至6個鐘，要從8個唔同嘅角度拍Reference硬照，要做好多唔同嘅表情同埋動作，例如拎劍、或者跌落水等，好考想像力，對演戲都有幫助。」首次拍MV的Celina大呼刺激：「出嚟效果好逼真同夢幻，覺得好不可思議。」她笑言最不可思議是整個拍攝過程，都沒與Aska同場，最後一幕深情咀嘴全靠想像演戲，她笑言：「嗰幕我要一路對住個Mon，然後要靠想像去就番個角度，拍嗰陣成隊Crew都有笑，因為我有時唔覺意挨得太近，拍出嚟嘅效果就變到好似靈魂出竅。」
