劇集被指灑鹽花 振朗：都係跟劇本
任何演出都只想刺激觀眾「追劇癮」
無綫新劇《奪命提示》正在熱播，當中以張振朗與劉穎鏇的感情戲最惹人關注。對於有網民指劇集灑鹽花，振朗表示拍攝時全程「君子上身」，事前亦有跟劉穎鏇溝通，大家互相信任才能拍出好效果。他又稱自己是專業演員，任何演出都是只想刺激觀眾的「追劇癮」。
陳山聰、張振朗、劉佩玥（Moon）、劉穎鏇、郭柏妍和丁子朗等昨日到商場宣傳無綫熱播劇《奪命提示》，期間眾人玩遊戲，女演員要閉上雙眼，吃掉男演員身上的提子，振朗與劉穎鏇差點重演劇中激吻一幕，場面爆笑。
振朗於劇中艷福不淺，做宣傳活動亦被安排與女演員有親密接觸，他笑言劇集之後有更激場面：「我為呢套劇已經去到盡，都係想取悅觀眾。拍攝時我好君子㗎，完全冇偷望，大家都互相信任，唔會令大家唔舒服，盡情發揮先做到想要嘅效果。」劉穎鏇坦言與觀眾一起看自己的親熱戲很尷尬：「我係超級怕醜，完全講唔到嘢，心跳得好快。之前我冇試過行貓步爬上床，仲要餵提子同喺振朗心口畫圈，拍嗰陣已好怕醜，好彩大家有預先溝通。」
振朗大讚劉穎鏇表現專業，既要拍打戲又有性感演出，難怪深受觀眾喜愛。問到女友可有呷醋？他笑言：「唔怕，我哋都係專業演員，只係想激起觀眾追劇嘅熱情，希望收視節節上升。」對於網民指《奪》劇大灑鹽花，他說：「我哋都係跟劇本，無論演乜總有人喜歡或唔喜歡，我哋只係做足演員本分，而且有人討論都係好事。」劉穎鏇則稱性感打扮是劇情需要，全個劇組都只想做到最好。
陳山聰親自編舞
現場播放的預告片中，山聰、Moon與區明妙大跳八十年代舞步，山聰透露是自己親自編舞：「呢場戲係即場度出嚟，監製只係畀指引，我就諗起八十年代好流行嘅舞姿。」問山聰與Moon會否有激情戲？山聰笑言：「我哋都有嘅，係一段好笑嘅浪漫愛情動作戲，不過觀眾要先睇我哋跳舞。」Moon表示：「我好鍾意山聰喺我身邊，有佢喺度，佢話做乜我都唔驚，好安心咁演出。」
