破福仔紀錄 路易斯史基利創歷史
阿仙奴左閘路易斯史基利，成為杜曹帶領英軍首仗的大贏家！首度代表英格蘭國家隊上陣立即擔正，更於開賽僅20分鐘即接應比寧咸精彩妙傳，為英軍先開紀錄。並以18歲零176日之齡，打破隊友兼前輩拉舒福特，於2016年對澳洲時保持的18歲零209日、首次代表英軍即入波最年輕紀錄（圓圖）。亦顯示杜曹大膽求變及給予機會新人的決心！
路易斯史基利在3個月前，仍然只是名不經傳的阿仙奴後備小將。至今只為阿仙奴正選上陣過9場，直至上月對曼城才取得職業生涯第一個入球，不過杜曹卻對他投下完全信任一票。史基利的阿仙奴及國家隊隊友迪格蘭賴斯對他讚不絕口：「佢入波係溫暖人心時刻！我知道佢會踢出高水準，一個一直腳踏實地、滿有自信同無所畏懼嘅新星！對佢嚟講，一切只係啱啱開始！」史基利賽後表示，希望對拉脫維亞時可以再得到上陣機會，並再次入波！相信他在國家隊的優異演出，會進一步堅定阿仙奴領隊阿迪達重用的決心。
