馮德倫動漫企劃面世 陳冠希到賀試「笠頭」
香港文匯報訊 馮德倫（Stephen）前天現身亞洲國際博覽館國際潮人盛事ComplexCon，為他的全新動漫IP「BUCKET MAN」主持發布儀式，並宣布跟「香港figure教父」劉建文（Michael Lau）聯乘figure面世。在Stephen創作的全新短片《老馮日常》中，他曾被Michael Lau嘲笑「唔夠潮」，Stephen前天以潮人身份出席ComplexCon，吸引一眾城中藝術家與潮人到賀，包括容祖兒、陳冠希（Edison）、鄭志剛、徐濠縈、美國視覺藝術家Daniel Arsham等，Stephen不禁在Ig感激地表示感謝他們來幫忙「加潮」！而Stephen太太舒淇亦於Ig連出兩篇帖文大力祝賀。
Stephen正式宣布全新動漫企劃面世，之後將陸續有更多搞作，其中會跟不同界別的藝術家合作。緊貼潮流的Stephen敢於創新嘗試，速成這次企劃的誕生，他說：「其實作為一個導演，寫唔同嘅劇本，通常會先定好人物角色，再去設定人物嘅衣着等細節，今次我覺得係一個反傳統嘅IP做法，無論內地、香港、荷里活電影都好，唔係有特定嘅元素就一定成功，所以要多啲留意世界、多啲嘗試。今次先係有Azuki嘅art work，based on呢個創意圖帶畀我靈感，而用膠桶笠住個頭嘅小朋友原本只係一幅畫，最後再加返個人物性格故事落去，再加入同優秀嘅藝術家合作，之後會一路去推動呢件事。」
Stephen全程參與這次企劃的籌備跟創作，想出要加入幽默與香港回憶的元素，紅色水桶這份親切感也感染不少人，前天連Edison一見水桶也要笠頭試試。Stephen說：「呢個figure係頭笠着香港人好熟悉、個個人屋企都有嘅家具，繼而變成超級英雄，係充滿幽默感同香港文化特色。香港以前制水、去茶餐廳、街市，周圍都會見到呢個水桶，係有一種同大家好接軌、好親密嘅感覺。」
