子丹着重合作誠意 唔介意減片酬
甄子丹與太太汪詩詩、湛琪清、王丹妮與泰國演員Pond等前晚出席品牌專門店開幕活動，吸引大批粉絲到場支持。對於電影業處於寒冬期，子丹認為是世界循環：「今日凍，聽日就會變暖，將來嘅事冇人會知，最緊要充實自己，有能力、有才華就可以闖出天地。」問到可有方法幫助電影業？他說：「最實際係開拍更多電影，題材要更擴闊。（考慮減片酬？）我從來唔會將錢放喺第一位，最緊要作品有誠意同合作係咪開心，我年紀都唔細，希望做有意義嘅事。」
染了金髮的王丹尼笑言非電影造型，平時與老公羅孝勇的打扮都會「七十二變」，因應心情而有不同打扮。她大呻因拍戲關係，最快要5月底才能與身處澳洲的老公見面，現時靠視像通話維繫感情。
