第一份名單 佐敦軒達臣最爭議
杜曹擔任英格蘭國家隊領隊，應付今期國際賽的第一份名單，當中重召老將佐敦軒達臣惹起最大爭議！英國傳媒指此舉冒上極大風險，只要他的表現稍為失色，勢必激怒英軍球迷。佐敦軒達臣自前年11月以來就未有再為英格蘭効力，這位前利物浦隊長前年離開英超，効力過沙特聯球會伊蒂哈德，現時轉會至荷甲阿積士。而且在明年世界盃期間，軒達臣已經36歲，能夠對國家隊帶來多少幫助？備受質疑。
對於重召軒達臣，杜曹聲言在6星期前已經作出決定：「佢係一個長期勝利者，我欣賞佢嘅個性，佢係每一支球隊嘅黏合劑，有佢在陣，事情就會變得順利。」杜曹更聲稱最初提起軒達臣名字的並非他自己，而是在英格蘭大軍的多名職球員，都讚揚他的貢獻。「我決定打電話畀佢，當我哋傾咗大約15至20分鐘，我就確信需要佢加入訓練營。」英軍門將比克福特，亦對重召軒達臣大力支持：「佢係卓越嘅領導者，擁有贏得一切經驗同雄心！喺大賽中，佢可以推動訓練同標準，創造更好嘅團隊精神。」
