全英語拍劇 Anson Lo壓力大
Marf自信身材弗 唔介意三點式上陣
盧瀚霆（Anson Lo）、邱彥筒（Marf）與林嘉欣將合作拍新劇《The Season》，以全英語對白上陣，Anson Lo坦言有壓力，會花時間練好英語。至於Marf笑言一直有健身，自信身形靚，若要穿三點式拍劇亦冇所謂。
昨日Anson Lo、Marf與林嘉欣現身香港國際影視展，出席與國際知名娛樂公司合作的新劇《The Season》發布會，劇集講述上流社會的軼事，邀得著名演員Toby Stephens、Jessie Mei Li、李載允、木村光希等演出。劇集將於下周正式開拍，會在香港不同地標取景，並以全英語拍攝。Anson Lo透露飾演能歌善舞的角色，會翻唱英文舊歌和百老匯歌舞，他對全英語拍攝感到壓力，加上未收齊劇本，要花時間練習。提到日前MIRROR在韓國拍團綜，隊友呂爵安因急事先返港，Anson Lo說：「因為佢有家事要處理，我同姜濤、Jeremy就繼續拍，行程冇改動，冇受影響。」
籲粉絲勿買黃牛飛
有傳Anson Lo粉絲獲優先訂《CHILL CLUB》頒獎禮門票，可以爭取現場投票人數，他說：「假嘅，公司唔會分配任何門票畀任何單位，大家唔好信謠言。」他指每年頒獎禮前夕都有不實傳聞：「都慣咗，唔會為傳聞影響心情。我對獎項都係抱平常心，歡迎各位粉絲入場支持自己鍾意嘅歌手，但最重要唔好支持黃牛黨。」
Marf表示有份在遊艇上拍攝，但未知要否穿泳裝：「着三點式都冇所謂，我一直有操弗身形，而且我膚色黑，自信心都大啲。」提到COLLAR隊友Winka與音樂才子朱芸編拍拖，Marf表示隊友們都知道Winka有拍拖，只是大家平時見面不會帶男友出來：「女人聚會點會有男人在場！我哋7個女仔平時已少機會見，最鍾意一齊講唔停。」
林嘉欣透露於新劇飾演億萬闊太，有不少仇家和秘密，亦有女士之間的勾心鬥角。雖然不是第一次全英語拍攝，但她坦言有大量「口水戰」：「都冇睇對白有幾長，只知要講唔停。講英文拍戲嘅節奏、表達方式同廣東話好唔同。」
