【粵語講呢啲】考核AI目前在「廣普互換」中的成效（1）
梁振輝 香港資深出版人
隨着近年香港和內地交流頻繁，「廣普互換」有很大的需求。AI的橫空降世讓人們在這方面有了一個查詢的便捷渠道。中國人有句俗語「貨比三家」，意思是買東西時要多比較，才不致在品質或價錢上吃虧。今期筆者也找來三家目前表現尤為出色的中外AI模型，以考核它們在「廣普互換」中的成效。
【普通話轉廣東話】
普通話原句
1.你初來乍到，新人肯定遭舊人欺負，被捉 弄一下也屬正常！
2.新官上任，無論如何也得裝裝門面！
3.我的筆記簿電腦出了狀况，要麼幫我修理； 要麼給我弄部回來，不用超強功能，只作緩 衝之用！
4.這小鬼很會看人面色，最怕的人是他公公， 公公一不在他跟前他立馬作怪！作弄人家他 至本事！
AI甲廣東話翻譯
1.你初嚟報到，新人一定會俾舊人欺負，畀 人玩弄吓都算正常嘅！
2.新官上任，無論點都要擺下款！
3.我部手提電腦出咗問題，唔該你幫我整返 好，或者搞部新嘅畀我都得，唔使咩勁功 能，淨係用嚟做緩衝就夠啦！
4.呢個細路鬼好識睇人面色，佢最驚就係佢 公公，公公唔喺佢面前，佢即刻玩嘢！作 弄人哋佢至叻！
對AI甲評價
1.「俾」有寫作「畀」。不少人誤以為「初 嚟報到」是「初嚟埗到」的正寫。「欺負」 「玩弄/捉弄」是書面語，可說成「恰/蝦」 「玩」。
2.「新官上任」較書面化，可說成「新老細 上場/有新波士到」。「擺款」予人傲慢、 難相處的感覺；恰好與原意相反。
3.不用「新」的電腦，弄部夠用的回來「頂 檔/頂住檔」（做緩衝）就行。
4.有「小鬼」「細路」，卻沒有「細路鬼」。 「公公」可以是「爺爺」。「作弄人」較 書面化，可說成「整人/整蠱人/整鬼人」。
AI乙廣東話翻譯
1.你初嚟乍到，新人肯定會俾舊人欺負，俾 人捉弄吓都係正常啦！
2.新官上任，點都好都要裝吓門面！
3.我嗰部筆記簿電腦出咗問題，唔係就幫我 修理吓；唔係就幫我搵部過嚟，唔使乜超 強功能，淨係做緩衝之用就好啦！
4.呢個細路好識睇人面色，最驚嘅係佢公公， 公公一唔喺佢跟前，佢即刻就搵事做！作 弄人佢最在行！
對AI乙評價
1.「初嚟乍到」只翻譯了一半。
2.「裝下門面」可說成「扮下嘢/整色整水」。
3.「跟前」可說成「眼前」。「搵事做」不 一定「作怪」。「作弄人佢最在行」較書 面化，可說成「整人佢就最叻」。
AI丙廣東話翻譯
1.你新嚟新豬肉，實畀班舊人蝦架啦，畀人 整蠱下都好正常啫！
2.新官上任，點都要裝下個派頭㗎！
3.我部notebook死咗火，一係幫我整返好佢， 一係同我摞部返嚟，唔使勁到曉飛嘅，頂 住檔用住先咋！
4.呢個細路精過鬼，最驚就係佢阿公，老爺 子一唔喺眼甘甘，即刻反轉個豬肚！整蠱 人佢認第二冇人敢認第一！
對AI丙評價
1.「新嚟新豬肉」比喻「新人」一般有的遭 遇：「新來」的須經「身」被任由「處」 置和受多方或百般凌「辱」的階段。「初 嚟埗到」不一定有上述遭遇。
2.「派頭」指人的言行顯現出來的氣勢；相 信僱員不會敢在此時此刻「裝派頭」罷。
3.粵語用字「摞」含苦苦哀求人家的意味；由 於只需要一台用得着的電腦，應沒有「摞」 的必要。除了此用字，全句翻譯傳神。
4.這個翻譯可謂極盡「廣東話feel」的能事。 「老爺子」過於書面化；「眼甘甘」說成 「眼前」才有意思；「反轉猪肚」是「反 轉豬肚就係屎」的文雅縮寫，意指有些人 平時沒什麽異樣，可是稍有矛盾就立刻「反 面」。「作怪」有別於「反面」。
作為香港人，筆者以下的翻譯可能令你多一分親切感：
1.你初嚟埗到，新嚟新豬肉，畀人玩下都好 正常啫！
2.新老細上場，點都要整色整水嘅！
（嚟咗個新波士，點都要扮下嘢嘅！）
3.我部Notebook/Note神咗，一係同我整返好 佢，一係/唔係就（不然）同我班部腦返嚟， 唔使好勁，用嚟頂住檔（先）啫！
4.條衰仔好識睇眉頭眼額，至怕就係佢公公， 公公一行開佢就即刻作反，整人佢至醒！
綜合而言，三家AI在「普換廣」中均表現合格，唯未能完全掌握廣東話的神髓。隨着AI有「足夠語料」提供予訓練，情況應得以改善。
