【欄邊老司機】碧海藍天出招
魯斯基
今期賽事，早幾天跟大馬主S傾計， 收到消息，今晚阿蔡隻「碧海藍天」唔係玩玩吓，呢隻馬實力底子並不俗，不過愛爾蘭馬，始終需要比較長的適應期。直至賽事愈輸愈近，開始像樣之後，阿蔡至收起來認真做工夫。馬房手足報告，「碧海藍天」如今每日餐餐清，胃口比以前好好好。
「碧海藍天」上季初出66分起步，現在43分， 我同馬主S都覺得有虎入羊群感覺，而且一定好分頭，直接買W唔補P。配腳一定選「瀧澤飛駒」，呢隻馬兩W全由蔡明紹經手，我知道，上次跑完1800米第三，騎師建議跑1650米，幾位馬主當然接受啦，並講明下次出賽，必須配番佢騎，我相信呢場一定博到盡，大家齊齊動動腦筋啦。
