李幸倪志願做老師 培育樂壇人才
Gin Lee（李幸倪）為新城知訊台廣播劇《現在就愛》聲演老師一角，日前進行錄音。她聲演老師Miss Lee，鼓勵學生張馳豪（Aska）、張天穎（Jaime）、力臻及詹天文（Windy）製作一個時間錦囊，眾人十年後打開時，意外揭示兩段微妙的甜蜜關係。
問Gin聲演Miss Lee是否難駕馭？她表示：「經過上次做廣播劇嘅訓練，今次得心應手好多，因為上次戲份仲多，今次順咗好多。」她自爆小時候的志願是做醫生，長大後則想做老師，她表示：「有人問我唔做歌手會做咩？我可能會教唱歌，幫朋友出道做歌手，可以有個課程去準備，因為做歌手唔單止音樂課程要準備充足，心理建設都好重要，或者可以開一個做明星嘅準備課程。」
