Cookies「7餅」合體 掀回憶殺
鄧麗欣前晚在紅館舉行尾場演唱會，邀請於《紅豆》演她弟弟的魏浚笙做嘉賓。鄧麗欣笑言：「想講同你唱呢首歌有亂倫嘅感覺，因為真係當咗你係細佬。」魏浚笙亦稱：「我都當你係家姐。」鄧麗欣說：「就咁決定，我哋喺台上結拜啦。佢真係一個我非常欣賞嘅小朋友，好有禮貌，仲要咁靚仔。」
Encore尾聲，鄧麗欣表示要送一份禮物給觀眾：「我哋係Cookies」，隨後吳雨霏、楊愛瑾、馬思恒、陳素瑩、區文詩、何綺玲合體唱《心急人上》及《Forever Friends》，將全晚氣氛推上最高峰！完騷後，鄧麗欣受訪時被問Cookies「9缺2」可有遺憾﹖她說：「當然大家都想齊人就最圓滿，但依家都好珍貴、好珍惜。」她表示有邀請傅穎與蒲茜兒，但因各有各忙，無法成事。
