出身醫學世家 陳豪拒繼承衣鉢
張曦雯感激袁詠儀愛護
視帝陳豪原來出身醫學世家，父親是麻醉科醫生，母親則是中醫。雖然他小時候經常到母親的中醫館幫手，在旁偷師學識拔罐、推拿等中醫手法，但更喜歡演戲和沖咖啡，故從沒想過繼承父母衣鉢。
陳豪、張曦雯（Kelly）、劉佩玥（Moon）、譚凱琪等昨日到將軍澳電視城為新劇《俠醫》試造型。陳豪飾演中醫，濟世為懷，拍攝前特別跟故事藍本黃天賜教授學習。他透露自己來自醫學世家，爸爸是西醫，媽媽是中醫，故小時候耳濡目染下，跟媽媽的師兄弟在中醫館幫手，熟悉拔罐、艾灸、推拿治療：「我有段時間條腰唔舒服，幾乎行唔到路，都係靠媽媽針灸好番。（點解你唔繼承父母衣鉢做醫生？）世事就係咁，我哋三兄弟都冇興趣。我兩個仔就似乎對咖啡有興趣啲，佢哋去到舖頭好似當咗自己係老闆。」
Kelly於劇中演地產經紀，雖然她外表洋化，但原來很少吃西藥，多靠中藥調理身體。提到她剛拍完另一劇集《模仿人生》，獲影后袁詠儀讚勤力，Kelly表示事前沒想過可跟袁詠儀合作，覺得遙不可及：「居然實現咗，多謝佢過去兩個月合作時嘅愛護。」
劉佩玥劇透色誘陳豪
Moon飾演不擇手段的地產經紀，除了搶Kelly的生意外，更會搶陳豪，又與多位演員鄭子誠、林溥來等有關係，她坦言：「我有晒心理準備有床戲。（要色誘陳豪？）都會嘅，但係見佢唔係好受，就用其他方法。」至於譚凱琪透露演自閉症人士，很大挑戰，拍攝前接觸不少自閉症小朋友來揣摩角色，發現他們很多時和平常人沒分別。她覺得今次拍劇很有使命感，希望喚起社會更多關注。
