首回應與阿叻不和傳聞 阿倫認明星足球隊「分家」
「樂壇校長」譚詠麟（阿倫）率領組合「老六兄弟」到新城廣播，接受薛家燕、范振鋒與思敏主持的《開心大派對》錄音訪問。提到有傳阿倫與老友陳百祥（阿叻）因明星足球隊「分家」鬧不和，是否因兩隊作風不同？他說：「幾廿年朋友，唔會為咗呢啲嘢。不過當日睇到新聞條片個心離一離，驚唔知點答傳媒朋友，返到屋企發咗幾晚噩夢，仲扎醒咗。」
阿倫續說：「只不過依家覺得佢同我哋嘅風格有些少唔同，因為佢比較肉緊啲，我哋比較嬉戲啲，大家睇法唔同。全球咁大，佢想點踢同點睇都得，相信有一日，佢迷途會返嚟。但佢未必迷途，可能佢方向啱都未定，我都希望佢做到自己鍾意嘅嘢。其實我哋私底下仲有見面，過年都有講恭喜發財。」
