【欄邊老司機】爆笑唔係講笑
魯斯基
剛周日賽事，好像天氣一樣，暴冷暴熱，如果各位馬迷贏錢離場，真係可喜可賀。執筆早上收到馬主關照，練馬師要吼實告仔、韋達，今期戰馬谷得好應，隻隻火噴噴，兩大倉主皆非常滿意。
尤其是告仔倉，阿頭話起碼兩W，到時候真的要連場𥄫實，以免走寶。睇番佢成手馬之中，「爆笑」今次一定要留意，聽到幕後有些微言， 來港前千揀萬揀，跑咁耐只得一W，當然與預期有相當落差，告仔亦聞到有啲味，所以上次跑完，即刻收收埋埋到從化谷隻馬，來料謂叫定馬主呼朋結友入場拉頭馬，我就信佢一次。配腳「風起雲湧」，呢隻馬有質，不過唔易發揮，今次仲特登配生面口騎師，搏分多幾蚊，肥蘇呢招，我比較清楚。
