劉穎鏇拍喊戲先溝通 張振朗玩搞笑需拉筋
香港文匯報訊（記者 梁靜儀）由兩大視帝陳山聰及張振朗攜手演出的《奪命提示》，下周一（3月17日）強勢登場。前晚（10日）發布的最新宣傳片段中，張振朗除展現了「踢出新高度」的踢腿神功，其中一幕「蟹爬大髀」，他更「既愛且恨」地誇張演繹，加上孖煙囪裝束，絕對是一等一搶焦場口！張振朗在宣傳片表示，搞笑場口的成功要訣之一竟然是拉筋！他笑言：「估唔到拉咗筋除咗喺拍動作嘅時候用得着，拍搞笑嘅場口都能夠大派用場。」
至於跟振朗首度飾演情侶的劉穎鏇（Tiffany）除了要挑戰更多和更高難度場口外，還要應付不少內心戲及喊戲， Tiffany坦言是次是其八年拍劇生涯以來喊得最多的一部劇集：「今次要喊嘅次數同程度，係突破晒咁多年以嚟嘅經驗。」
談到以往曾直認拍喊戲不容易，Tiffany表示隨着經驗的積累，自己確實比以前容易理解及進入狀態，並謂今次要特別感謝監製Jazz的循循善誘，以及拍檔張振朗的用心交流。「每次我哋拍呢啲感情戲，Jazz都會特別令到成個氣氛、環境好安心，佢拍之前會問我哋係咪熟晒啲對白、係咪ready好，只要我哋ready好就會即刻拍，咁樣好畀到我哋信心，令我哋演起上嚟都有信心啲。至於振朗，呢套劇我哋好多場口都一齊拍，而好多時我哋都會事先溝通，可能係度吓嘢又或者分享吓大家對唔同場口嘅睇法，次次我哋都好踴躍咁去討論點樣可以令成場戲更加好，會加好多細節位同埋jam啲嘢出嚟，令啲有情緒嘅戲份可以更有support。」
