分享Busking經驗 陳健安歡迎挑機
勉勵年輕人記住初心
陳健安日前為第二屆「延音MusicSus——青少年街頭音樂表演擴展計劃」擔任表演嘉賓，Busking經驗豐富的他，勉勵一眾學員不要輕易放棄夢想，於街頭表演時一定要注意心態，因為隨時會有人「挑機」，過程中種種「突發變數」都可以令自己變強！
第二屆「延音MusicSus—青少年街頭音樂表演擴展計劃」終期匯演，日前在麥花臣場館圓滿舉行。除了首屆學員帶領本屆學員初踏台階，大會亦請來多位擅長Busking的實力歌手，包括陳健安（安仔）、糖妹、吳林峰等大談成為歌手之路，並獻唱多首耳熟能詳的歌曲。
安仔打頭陣獻唱《戀愛腦之死》，他透露去年剛好於同一場地舉行首個實體騷，故重臨舊地演出分外有感覺。他勉勵一眾學員：「有時會遇到好多問題令自己喜愛嘅音樂磨蝕，但唱歌目的係令自己開心，唔好諗太多會從中得到啲乜，只要唱歌時得到最爽嘅感覺就可以。」他與學員們交流入行多年來於音樂路上的經歷、心態及如何應付困難：「要好好記錄曾經擁有過嘅所有事，因為人會好容易忘記經歷過嘅事，亦都會忘記曾經懶惰過嘅事，好嘅記得要讚自己，唔好嘅要好好反省。」
對於活動計劃是鼓勵青少年投入街頭音樂表演，安仔直言憶起C AllStar於2009年，連續14個周末在旺角街頭表演的往事：「呢段經歷係一個好重要嘅試煉場，好多事都會隨機發生，亦會有人突然想挑戰你，例如即席點唱，要注意自己嘅心態，諗吓點樣令自己進步同變強。」
糖妹憶夾Band往事
連續兩年擔任該計劃導師的糖妹大呼好玩：「之前同學員去Busking，佢哋會唱『糖兄妹』嘅歌，我同佢哋講揀自己鍾意嘅歌就得，但最終同一首歌唱足兩次。佢哋好尊重老師，所以就揀我哋嘅歌，反而我想試唱人哋嘅歌。諗番起佢哋着校服跑嚟上堂嘅片段，令我諗起當年自己夾Band嘅情景。」
身兼評審及導師的吳林峰大讚今屆學員質素高：「創作同唱歌方面都好高質，令我感受到佢哋嘅熱誠。反而係佢哋教識我Passion（熱情）唔關年齡事，對音樂嘅諗法都好新鮮。（同學員合作？）我隨時歡迎佢哋搵我。」
