許恩怡血池打韆鞦 越拍越心寒
張家輝自編自導自演新片《贖夢》將於3月27日正式上映，許恩怡拍攝一場在夢中於血池上盪着韆鞦，見到滿臉披血的巨頭BB，她嗌到聲嘶力竭。拍攝初時她覺得巨頭BB很可愛，但在張家輝引導下，過程越拍越心寒！
許恩怡猶有餘悸說：「我喺血池上打韆鞦以為好輕鬆，但喺導演引導下，最後要同巨B對峙，除咗嗌到聲嘶力竭，仲要抱住殺死佢嘅心情，好似一場決鬥咁，不停來來回回拍咗六七個鐘，由最初覺得佢好可愛，到最後很憎恨，過程感受好逼真，尤其見佢滿臉披血，好恐怖同不安。我相信打完呢次韆鞦後，一世都唔想再打！因為打咗一個鐘，我嘅背脊已經痠痛！不過之後睇番Playback覺得好震撼，辛苦有價值。」
