陳山聰出招谷劇 預告晒女星睡照
張振朗睇好劉穎鏇做視后
陳山聰、張振朗、劉穎鏇等於無綫新劇《奪命提示》打到飛起！山聰坦言每個鏡頭背後，每位演員都有血有汗有淚水。為了谷劇集收視，他揚言若成績理想，會分享多位女演員休息時的睡照，讓大眾知道做演員的苦況。
由陳山聰、張振朗、劉佩玥、劉穎鏇、郭柏妍等主演的無綫劇《奪命提示》將於下周首播，昨日他們盛裝出席宣傳活動。山聰笑言此劇雖然是兩年前拍攝，但安排推出時間恰到好處，因等到振朗做視帝才推出，可以靠對方的氣勢搶收視：「其實我同振朗真正第一次合作係呢部，第二次合作嘅《反黑英雄》已經播出，劉佩玥都係第一次做拍檔，所以有好多新火花。」並指每個鏡頭背後，每位演員都有血有汗有淚水。
山聰指女演員在劇中特別辛苦，因她們不時穿小背心上陣：「有一幕我同劉穎鏇對打，我好啲有衫着，可以加護墊，但劉穎鏇就少布乜都加唔到，見佢打到雙手瘀晒，一停機就要敷冰休息。」他笑言若劇集收視理想，就會發布幕後絕密照片，當中有不少女演員打到攰時的睡照，好讓大家知道做演員的辛苦。
振朗很開心能與山聰以「雙視帝」形式推出劇集，希望將自己的運氣帶給劇集，並睇好劉穎鏇有力問鼎明年的視后寶座。提到他拍此劇時正是「地獄黑仔王」階段，當時被道具燈撞爆額角，他笑言現在鴻運當頭，不好的事已經過去：「冇諗起唔開心嘅事，只係一次意外，不過大家之後都好小心，好安全地搏命拍攝，我都覺得自己有所成長。」
劉珮玥打通一半任督二脈
劉穎鏇於劇中不乏性感打扮和穿泳衣上陣，問到是否再騷「最強Body3.0」？她笑言：「唔敢講，但今次係我拍劇以來造型最多嘅一次。」她笑指山聰最不留手，每次拍打戲時，雖然對方有戴護墊，但她總打不到護墊，令她雙手疼痛要敷冰。
至於劉佩玥笑言拍劇時克服腦部與手腳不協調的壞習慣：「因為以前拍動作戲對自己信心不足，要做動作又要演戲，唔係就咁開槍咁簡單。多謝監製一直鼓勵我，依家我都算半打通任督二脈。」
