【地表最強】超勁火力唔會再錯
兆 文
第三場第三班1650米。「大學生」來港評分高達80分，初期未入局，頭八戰全敗，獎金分毫不取，但去到季尾改攻同程谷草1650，一連兩仗跑第四已進步不少，開始上力並搵啱出路，上季初好快已坐正，更跑出1.39.59快時間。之後未能上名但絕少大敗，567場減至63分，因為馬鞍滑移並且一貫內閃，來一記「橫掃千軍」嚴重內閃阻及多匹對手，再一次取得頭馬。目前65五分的「大學生」，只較兩仗馬稍高一及兩分，分數有利也因此近仗回勇，對上兩戰出爭同程均上名，尤其大前仗首次搶放僅位極了不起。今戰快馬不多，有望再次主宰步速，內閃嚴重2檔更可望沿內欄順走，形勢大好。
第四場第四班1200米。「超勁火力」今季降到五班開始反彈，兩度於谷草1200勝出，首捷贏半個馬位不算吸引，然而第二W以兩個馬位擊敗「三代同心」，而後駒之後升上四班依然可上名，所以「超勁火力」在四班仍有本事躋身三甲，甚至贏馬。「超勁火力」前仗是重返四班的首戰，由於全程走不利跑線，入直路從內欄位置加速欠勁，反而三甲馬在外欄追趕，故只得梗頸四，落敗非之罪。上仗飛數軟弱早知不妙，卻估不到變陣就去搶放，用錯跑法當然無影，何況頭兩段快開至45.98，比起同晚另一組嘅四班46.27，與及三班47.05快得多。汲取上仗教訓，今戰必定搵番遮檔跑法有保證。
