【欄邊老司機】友愛心得穩陣
魯斯基
筆者上文提過艾道拿，周日馬上三W兼奪騎師王真係厲害，佢騎後上馬，今次佢停賽，我就支持班德禮。早排筆者已經講過，班仔跑快活谷1200米特別拿手，之後有幾位相熟馬主，馬上致電給我， 詢問點解呢？我當然一五一十告知啦⋯⋯稍後一些插班新馬跑快活谷1200米，記得留意班仔，因為聽完我見解，個個都準備將一些名下馬支持班仔，咪話唔預先通知。
講番今期戰馬，希斯嘅「友愛心得」，初出潘頓騎被捧成大熱門，可見幕後信心十足，可惜當日沿欄跑的馬，幾乎無隻順利埋尾，如果唔係早就贏馬了。今次班仔上陣，周日現場聽到馬房仔吹風，佢哋阿頭特別緊張，因為佢嘅身價等同唔知幾多隻「球星」，仲唔贏馬太難睇。
