24小時拍新歌MV 張馳豪攰到跌Watt
繼排行榜冠軍歌《Dirty Rhythm》和《宇宙逃生口》後，張馳豪（Aska）於最新單曲《Catch A Feeling》繼續參與編曲和填詞。「鬆弛豪」（粉絲暱稱）特別為這首新歌做了多款應援，Aska為了多謝「鬆弛豪」支持，日前抽空到旺角自己的Billboard打卡，順道跟粉絲見面和合照。
Aska笑言拍新歌MV 的時間應該破了自己的紀錄：「拍咗接近24小時，由朝早好Hyper ，到晚上跌晒Watt，經歷好多環境、情緒同體能上嘅轉變。最難忘係第一次拍落雨情景，之前睇人哋拍落雨戲，會幻想佢哋點拍，今次終於知點拍，需要好高技巧控制落雨嘅方向，同埋點樣喺鏡頭前呈現逼真效果，所以今次學咗好多嘢，不過好凍，哈哈！」
