《哪吒2》收155億 勢贏《復仇者3》
躋身全球影史票房榜第7位
內地動畫電影《哪吒之魔童鬧海》（《哪吒2》）票房屢創新高，前日電影累計票房（含預售及海外票房）已超越20億美元（約155.51億港元），跟全球影史票房榜第6位的《復仇者聯盟3：無限之戰》只差3.2億港元票房，很大機會在本周衝上第6位。
《哪吒2》不斷刷新紀錄！繼本月1日以141.6億元人民幣（約151.2億港元）票房打敗電影《蜘蛛俠：不戰無歸》，躋身全球影史票房榜第7位後，相隔兩天，前日又傳來好消息，電影累計票房已超越20億美元（約155.51億港元），成為首部票房超20億美元的亞洲電影！現時《哪吒2》跟第6位的《復仇者聯盟3：無限之戰》只差3.2億港元票房，網民預測本周能衝上第6位。
另外，陳豪、陳瀅、朱敏瀚、潘靜文、陳懿德、林智樂、冼靖峰、丁子朗、孔德賢、黃庭鋒及梁采貽等，日前到尖沙咀跟過百名孩童及中風康復者，一同觀看《哪吒2》。這次活動非常有意義，由基層不適切居所孩子當義工陪同中風康復者，令多個家庭也能欣賞這套中國民間傳奇。活動旨在為基層家庭孩童及中風康復者帶來歡樂與鼓舞，並透過電影力量傳遞正能量，藉着傳承中國文化，發揚關懷與愛的力量。
陳豪讚電影傳承中國文化
向來熱心公益的陳豪表示：「好開心可以同大家一齊睇電影，見佢哋睇得好開心，又可以傳遞正能量同傳承中國文化。有時間都想帶3個小朋友去做義工，除咗可以幫助有需要嘅人外，仲可以畀佢哋體驗。」朱敏瀚表示：「班小朋友咁細個已經開始做義工，真係好好。同埋見到一班中風康復者，個個都精神奕奕，我仲問佢哋有冇睇《痞子無間道》，佢哋都話有呀！」陳瀅亦稱：「能夠參與其中感到榮幸，特別係見到大家睇得咁開心，而且班小義工好可愛，同佢哋玩得好開心。」
丁子朗說：「好開心可以同一大班人去睇戲，本身都想入場睇《哪吒2》，今次活動有意義，又有得睇戲，真係一舉兩得。」陳懿德開心說：「大家可以相聚欣賞一部咁有意思嘅動畫電影，真係好興奮，多謝主辦單位邀請，有時間都想參與多啲善事。」
