【地表最強】球星上仗狂蝕都近
兆 文
第三場第三班1650米泥地。「天威」起初由韋達訓練，只跑一仗便轉巫廄，轉倉後四戰全敗，今季又一次轉倉，羅富全兵多將廣肯收已有啟示，結果短短半個月已收穫四W，也成為羅廄季內的唯一四捷馬。事實上，除了「天威」本身有能力，羅富全功力確實高超，首戰爭草效果一般，立即變招改攻泥地，而取得首捷後兩戰跑第三第四唔太差，然而照變改戴開縫眼罩，跟手是隨之而來的三連勝。
「天威」上仗易配巫顯東照贏固然吸引，更犀利是既首度出戰三班，仲要去到尾場跑道愈跑愈乾快，對後上馬較有利，牠能快跟下照贏可也，足見不斷進步。
第七場四歲賽1800米草地。「球星」除了173場配巴度無故失準，近仗演出相當可靠，今季首戰爭1200配艾道拿，雖然只屬臨時拉伕性質，然而後上擊敗全熱門「天天同樂」；
到前仗「球星」爭田草1400，沿途走外疊下仍能貫注到底，力迫「包裝天將」奪亞，但假如兩駒鞍上人互調，結局早就改寫。「球星」上仗出爭經典一哩賽跑第六，極之劣勢追近已不差，而且轉彎時跟住「玩笑」路線一齊走，及後「球星」再最外疊蝕得更多，而「玩笑」該仗跑包尾，接戰再出變身跑第一，可見上仗跑法極蝕居然所負不遠，能力相當不俗。
