祥仔現高山反應 吸氧氣保命
與麥包穿州過省拍《江湖見》
視帝黎耀祥（祥仔）和麥長青（麥包）早前走訪內地多個省份拍旅遊節目，兩人自嘲「老嘢」，去旅行要特別小心，自爆到海拔高的地方時出現高山反應，要吸氧氣才可繼續拍攝，慶幸最終沒有大礙，安全返港。
黎耀祥和麥包昨日到將軍澳電視城出席無綫全新旅遊節目《江湖見》，會上率先播出節目精彩片段，見二人走訪金庸武俠小說中的著名景點，前後穿梭8大省和20多個城市，包括陝西、浙江、福建和貴州等，體驗當地的風土民情和飲食文化。
祥仔說：「我哋斷斷續續拍咗3個月，每次去兩三個省，拍3個星期就返香港休息一兩星期再出發，總共拍咗50幾組，等如拍咗一部20集嘅劇集，但《江湖見》只有15集，每集半小時，就知道內容會好精彩。」祥仔與麥包表示最辛苦是舟車勞頓，因為花很多時間在交通上，有些拍攝地方的路程很遠，其中去到高海拔的地方更出現高山反應，要吸氧氣樽紓緩：「大家年紀都大，兩個老嘢去旅行要小心謹慎！佢哋都叫我哋第一晚去到唔好沖涼洗頭，抹吓身就算。」
重遊大理 截然不同
問到最難忘去哪個景點拍攝？兩人不約而同表示最難忘當年到大理拍《西遊記》，現在重遊舊地已截然不同。麥包說：「27年前我哋去拍劇，沿途都係沙塵滾滾嘅泥路，兩邊只係平房同賣冬蟲草嘅地攤，當時冇咁多人識得冬蟲草，如果早知就應該要大手入貨。」問到會否開拍第二輯？兩人都稱要看觀眾反應，因他們仍有很多地方想去。記者提議他們趁電影《哪吒之魔童鬧海》熱潮，可以走訪電影中的地方，祥仔笑言：「都可以，今次我哋都有去錢塘江睇大潮，或者下次我哋可以去東海龍宮睇『三太子』。」
