何沛珈 阮浩棕攞正牌放閃
無綫小花何沛珈與應屆《萬千星輝頒獎典禮2024》「飛躍進步男藝員」阮浩棕傳緋聞，兩人曾表示了解中。前日何沛珈突然在社交網公開合照放閃，惹來官宣拍拖疑雲！她接受傳媒訪問時否認放閃，只是一齊出席品牌活動，與阮浩棕齊齊戴上潮牌眼鏡影相。
何沛珈開心稱很滿意酬勞，希望將來有更多機會合作：「今次真係破天荒第一次，平時我都係自己影，第一次有拍檔，仲要呢個拍檔好受歡迎。當日好搞笑，我哋去呢間舖頭影相，啲店員仲要係男仔，話好鍾意佢（阮浩棕），因為好鍾意睇佢演嘅《異空感應》。」問到兩人是否已「了解」完畢？她笑言仍在了解階段：「希望有更多工作畀機會我哋繼續了解。」
