吳安儀睽違兩年重奪職業賽資格
香港文匯報訊 世界桌球巡迴賽（WST）昨日（26日）宣布，香港桌球「天后」吳安儀將於2025至2026年度，時隔兩年重返職業賽。
由於在本月初的比利時女子公開賽打入4強，吳安儀已賺得足夠積分確保年終排名穩居前2位，並因此可繼2023年後，生涯第2次拿下未來兩季的WST職業賽參賽資格。
吳安儀在得知此喜訊後表示：「呢兩年時間好漫長，今年距離季尾仲有兩站排名賽，不過前兩日收到通知，分數差距已足夠重返下季職業賽，聽到呢個消息，我喺條街激動到喊咗出嚟。不過因為桌球又再次重提剔出精英項目，喺欠缺資助下，呢個可能係我最後一次參加職業賽啦，當下我當然最希望清楚知道項目嘅未來去向，畢竟對體院、對我、對教練同其他小將都有好大影響。不過無論點都好，依家冇咗個包袱，希望喺餘下嘅女子公開賽賽事中，我可以輕鬆少少去作賽，享受其中，而渴望咗兩年要重返嘅職業巡迴，𠵱家失而復得，期待之餘，我亦必定會好好把握呢次機會，盡量發揮到自己水平，唔會令大家失望 。」
