【欄邊老司機】赤兔猴王忠心
魯斯基
筆者認識一些馬主，更指定愛駒出賽，要預早卜定艾道拿，可見此子亦受到佢地歡迎。講個秘密給大家知，某位馬主與其好友群的馬，經常配艾道拿，而且有心搏殺之前，更會約定食飯或飲咖啡，齊齊睇片商定策略。恕小弟不便透露是那一個馬主群，以免得罪太多人。
講番今晚戰馬，好睇又好賭，「赤兔猴王」是筆者今期投注位置的必然對象，鞍上人正是艾道拿，此馬實而不華性格忠心，而且幕後鬥智十足，不會有古靈精怪嘅嘢，跑1650米只要出閘順利，居中競跑，前三機會相當高。「太陽勇士」配上超級高手莫雅，可謂如虎添翼，1檔擺頭走，莫雅亦是一位控制步速相當了得的騎師，呢條位置Q，穩如泰山。
