MC應使則使 大胃口狂叫外賣
張天賦（MC）為保險公司拍攝的全新廣告昨日面世，並舉行發布會。MC於會上分享理財心得，承認年輕時頗愛花錢，遇見喜歡的東西就買，又喜歡吃美食，不過自從萌生退休的想法後開始儲錢：「想提前退休就要及早計劃同儲蓄，更加要努力工作。（你依家好慳？）都要應使則使，我本身係大胃口嘅人，依家使得最多錢係叫外賣。」問到是否開始儲老婆本？他笑言：「仲未諗呢樣嘢，因為將來做老竇，都會以我爸爸為榜樣，支持仔女追夢，但首要條件係自己有財富同埋有時間自由先得，因為陪伴仔女成長都好重要。」
提到華納歌手早前合辦演唱會後，不少網民希望他跟洪嘉豪、陳蕾開「華納三寶」演唱會，MC表示等公司安排，但會努力爭取：「我都好想同佢哋合作，一定好玩。佢哋會爆肚又無厘頭，應該好有火花。」
