被批模仿星爺 周嘉洛唔介意
陳瀅角色隨波逐流 劇透變壞女孩
周嘉洛於無綫劇《痞子無間道》大放笑彈，但不少網民都指他模仿周星馳！昨日他出席活動時坦言接受大家批評，更不介意被人指他學星爺。好友朱敏瀚亦力撐嘉洛，因星爺走得太前，令很多人都覺得喜劇就要跟星爺掛鈎。
周嘉洛、朱敏瀚（朱仔）、陳瀅、JW（王灝兒）、李芷晴與何泳芍等昨日到旺角宣傳無綫劇《痞子無間道》，眾星向市民派發紀念品，之後乘坐觀光巴士前往尖沙咀，沿途跟途人揮手。談到劇集收視回落，嘉洛醒目地轉移視線，他說：「個口碑？個口碑好好呀！」他表示有留意網民討論劇情，當中有不少正面評價。朱仔則指有粉絲表示喜歡「儲齊幾集」才收看：「依家觀眾嘅時間未必就到坐定喺電視機前，習慣一次過睇幾集。」他指可能因此影響收視。
談到有網民批評嘉洛經常扮周星馳，嘉洛表示劇情發展下去會見到他另一面，但同意很多觀眾將喜劇跟周星馳掛鈎，才會出現這類評語：「我係咪扮星爺就交由觀眾評論，我唔介意俾人話演技似佢，因為每個人都應該有自己諗法。」朱仔認為嘉洛很有自己個性，知道對方並非模仿周星馳：「好多喜劇達到某一個水準，大家就會聯想到周星馳。好似最近好Hit嘅『哪吒』，都話向周星馳致敬，因為佢真係行得太前。好多我哋做緊嘅元素，佢當年已經搵到，所以我哋覺得係一個讚美。」
收視不似預期 盡力宣傳
之前多次缺席劇集宣傳的JW解釋，因碰巧有工作在身，笑言搵錢也很重要：「唔知點解拍《痞子》第一輯同第二輯嘅時候，都咁啱要攞期做嘢，所以《痞子》係旺我，好多唔同騷要做。」她開心表示劇集播出後，街上不少市民都向她說有追看，更讚她的角色很搞笑。對於有網民指她的聲音吵耳，她笑言：「呢樣係天生，我已盡量撳低聲浪。」陳瀅即取笑JW不用戴咪也能清晰收音：「呢個係歌手嘅特質！反而我成日俾人話收唔到，要大聲啲。」
談到陳瀅的角色似乎不及其他角色搶鏡，她解釋可能角色性格沒主見，只懂隨波逐流，並「劇透」與JW的角色之後會變壞女孩，絕對令觀眾耳目一新。談到收視不似預期，她表示大家拍攝時已盡力做到最好，收視並非能控制，所以會落力做宣傳。
