離巢唔愁冇Job 江嘉敏唱出「錢」途
為HOY TV落區行善
剛宣布離開舊東家無綫的江嘉敏（Kaman）首個活動，就是跟HOY TV節目《健康關注組》合作，與台前幕後落區做善事，派福袋給「老友記」。人美心善的她首次拿着HOY TV咪牌，大呼感覺奇妙，很想跟HOY TV再合作。Kaman開心稱離巢後獲很多工作邀請：「估唔到反而係唱歌嘅工作比較多。」
穿白恤衫襯短褲的Kaman日前與《健康關注組》主持敖嘉年、吳雲甫 、麥詩敏、李婷婷、唐浩嘉、洪韻騏等，到旺角社區會堂派福袋給長者。首次拿HOY TV 咪牌的Kaman表示：「真係好奇妙，因為喺舊公司9年，坦白講真係有啲唔捨得，最唔捨得梗係一班同事啦！當啲散水餅運到我屋企，我一打開…….我真係有落淚㗎。」
她自爆離巢後獲不同工作邀請：「我自己都萬萬估唔到，以為離巢消息一出，好多客戶會搵我拍劇、拍節目啦，我真係估唔到反而係唱歌嘅工作比較多，問我有冇興趣唱歌，梗係有興趣啦！（之後仲有咩工作想嘗試？）其實咩類型嘅工作都想嘗試，好坦白講有好多嘢我未試過，例如做司儀啦。唱歌我都試過嘅，演唱會都叫開過，但我唔抗拒有更多唱歌機會，仲有舞台劇我都想試，因為從來未試過嘛。」
敖嘉年氹「老友記」有一手
原本歐倩怡有份出席活動，但她身體不適，改由敖嘉年頂上，敖嘉年說：「每次佢哋（長者）見到我哋都好開心。」吳雲甫說：「敖嘉年真係好識氹老友記，有婆婆認到佢，佢竟然叫人妹妹喎，個婆婆不知幾開心。」新婚不久的麥詩敏被催生B，因可以逗利是，但她坦言暫時未有計劃。至於洪韻騏加入《健康關注組》快3個月，她表示覺得光陰似箭：「我記得3個月前講嘢唔係好流𣈱，初時好唔習慣。因為之前拍飲食節目好開心，講咩都得。不過《健康關注組》比較資訊性，唔可以玩玩吓。我覺得自己有進步，不過都會出錯。」
