感謝自己不言棄 吉吉籲勇敢追夢
香港文匯報訊（記者 子棠）周吉佩（吉吉）《延續·第三人生演唱會》澳門站已圓滿落幕，當晚的演出邀請了劉芷君做暖場嘉賓，還邀得李佳、龍婷、吳大強、顏志恒、支嚳儀等30多位「中一生」現場合唱。而主角吉吉就背上結他，在4位女舞蹈員陪伴下演唱五月天的《派對動物》為演唱會揭幕，甫出場已引得觀眾情緒高漲、起身舞動，氣氛熾熱。
吉吉跟觀眾說：「我講過要大家由第一支歌開始便企起身跳舞，大家真係做到，真係要畀大家個讚，今晚就當似一個party咁玩，而且澳門站同香港站好唔同，因為會有好多同觀眾互動嘅環節。」
他又特別安排在大屏幕播出他早年在商場演出和媒體訪問片段：「呢段片基本上講咗我嘅第一人生，即係由我入行前到簽約做歌手的經歷，嗰陣我最犀利係連銀行㩒100蚊都㩒唔到。其實想話畀大家知做歌手真係唔容易，而我一直都好想多謝一個人，就係周吉佩，點解？我想講在座每一位都一定要好好答謝自己，當呢個世界全部人放棄你都好，得一個人係唔會放棄你，就係你自己。除咗頭先嗰啲黑歷史片，我仲準備咗好多『黑料』。」吉吉說：「太太和仔女絕對是我生命中最重要的人，他們的支持令我今日可以在台上唱歌，真的很Amazing，原來我都得嘅，我希望大家都可以勇敢為自己追夢，好好享受人生。」
表演期間，吉吉不單止兌現和觀眾互動承諾，多次到台下近距離在觀眾旁唱歌及派心合照，之後更抽出3位觀眾到台上向他發問，還有終極大獎是可以得到吉吉的「公主抱」，更配以《喜歡你》這首歌，營造出一個甜蜜又搞笑的畫面。演唱會尾聲，30多位「中一生」出場與吉吉由台上唱到台下再唱回台上，吉吉更和觀眾一起掟出紙飛機作留念。
吉吉在慶功宴時表示真的很享受當晚的演出，特別是與「中一生」合唱部分，將會成為大家心中的一份寶貴回憶：「雖然事前也擔心過很多事，但看到觀眾的熱情和投入即令我所有顧慮一掃而空。」吉吉又預告將於7月推出第一本書，希望大家會支持他這個新晉作家。
