王菀之喊住合唱 軒仔送吻鼓勵
紅館開騷紀念入行20年
王菀之相隔11年再登紅館，舉行紀念她入行20周年的《合體——王菀之演唱會2025》，吸引劉德華、楊千嬅、炎明熹、張繼聰、李幸倪等捧場。王菀之邀得「靈魂伴侶」張敬軒任嘉賓，兩人合唱「喊版」《下次愛你》，唱畢後互相擁抱，軒仔更輕吻王菀之作鼓勵，場面溫馨。
演唱會開始時，王菀之先表明演唱會是非一般的紅館騷，由第一首歌開始全場站立。她一口氣唱11首歌，令全場陶醉於她的音樂世界。不經不覺在圈中20年，王菀之感觸表示在紅館開騷的唱作歌手不多，女性唱作人就可能更加少，全場即報以熱烈掌聲，王菀之笑言：「大家唔好誤會，我唔係讚自己。我其實想講冇大家支持，我又點會開到紅館演唱會呢？大家嘅支持令我最感動，我代表我哋精英雲集嘅團隊多謝大家。我哋整個團隊都係有夢想嘅人，為夢想努力奮鬥。多謝大家花咗人生寶貴嘅3小時同我哋『合體』，祝福大家全年大吉行好運。」
演唱會高潮是王菀之的「靈魂伴侶」張敬軒出場，兩人先保持靜默狀態，即使觀眾歡呼聲叫了約一分鐘，也未見二人開口。軒仔與王菀之的感情非筆墨可以形容，當《下次愛你》的音樂響起，王菀之已忍不住喊，軒仔亦跟着「決堤」，但無損二人的精彩表演。唱完歌後，王菀之與軒仔互相擁抱，軒仔更吻了女方一下才離開。
冇準備Encore 上網搵歌詞
演唱會原定沒有Encore環節，但觀眾狂叫Encore約5分鐘後，王菀之手持電話再出場，她說：「多謝大家，我有少少驚，我冇預Encore，我帶電話出嚟係想知大家想聽咩歌，我驚會唔記得歌詞。」最後她自彈自唱半首 《面具》 ，她說：「《面具》有20年冇唱，哈哈！對上一次唱係啱啱出道，我真係有少少緊張，上網搵歌詞先，如果有少少甩漏，都希望大家接受呢份禮物 。」
