薛家燕憶友台高薪挖角 高層召見傾足3粒鐘
阮兆祥、梅小惠與江欣燕主持的節目《友乜唔講得》，邀得薛家燕擔任嘉賓，大談昔日拍處境劇的難忘事。家燕姐坦言復出前正值婚姻出問題，想做地產、保險及婦女資訊節目主持，可惜全部不成功：「我試過想做地產，一入到去啲人以為我嚟買樓，成堆人湧嚟介紹樓畀我。又試過想做保險，啲人唔信呀，但請佢出嚟要飲茶食飯，變咗愈使愈多錢，但都簽唔到一張單。」
家燕姐表示幸好獲曾勵珍邀請演《真情》「好姨」一角：「我出場係奸角，但估唔到啲人鍾意。我拍咗兩個星期，個Call機未停過，剪綵、登台、拍電影，《食神》都係嗰時搵我，啲廣告多到不得了。」
她自爆當初只簽了30集演《真情》，期間友台以超高薪邀她過檔。曾勵珍得悉後，即召家燕姐入房傾了3小時，家燕姐說：「其實冇好姨呢個角色，我又點會有今日？所以『好啦咁我簽』。」
