【地表最強】天天同樂度身訂造
兆 文
第二場第二班1000米。「天天同樂」一度星味十足，可是今季首四戰全敗，睇番每一戰走勢，首兩仗同程均以短距離見負，尤其一零二場排外檔放得極快，去到末段才功虧一簣。大前仗扳上千四一樣重飛，無奈欠缺氣量，更弊遇上快步速，未有大敗已好叻了。前仗跑千二自造快步速，頂到最後一百五十米才轉弱，保住第三名，趕過牠的「精算暴雪」與「華麗再勝」翌仗再串Q，後駒近期再贏多一仗。來自強組的「天天同樂」，上仗轉戰谷草並縮程順利勝出，贏馬距離不多只因大半程搶口；明星馬重啟勝門，可望贏開就贏，跑番起家路程且不用負重，度身訂造添食好機會。
第十場第三班1200米。「巴基之勝」來港前在澳州兩戰兩勝，在港同父馬又成功率高，加上初出賽前試了八課閘，潘頓更悉數出試，上仗初出當然備受熱捧。睇番資料，「巴基之勝」上季已到港，但可能適應水土需時，狀態遲遲未有起色，上季四試大閘走勢都乏善可陳，今季開操後進度亦未如理想，九月份更因腳患做手術而缺課長達三十九日。奇怪的是，馬匹傷後復課，進度來得比預期更快，試閘表現遠比過往出色，雖然上仗熱捧未得勝出，但跑第二也表現不差。只係一場拚失，今次已變招加上面箍，可見幕後對此駒充滿期望，再看兩課閘戴上面箍都表現不俗，值得看好。
